مرحبا! 

انا اخصائية نفسية في رام الله. اعمل مع للاشخاص المهتمين/ات. من خلال الصفحة بتقدروا تحجزوا موعد معي، و بتقدروا تتواصلوا معي بعدة طرق. ( اسفل الصفحة لطرق التواصل )

شو شكل الدعم النفسي اللي بقدمه؟ 

في جلسات فردية بشتغل مع المهتمين/ات  من خلال العلاج الكلامي. في الجلسات بنفكر مع بعض بالقضايا الشخصية اللي بتهمكم/ن في بيئة مريحة مع الحفاظ على السرية التامة. بصغي الكم من اللقاء الاول، وبتقدروا تحجزوا بسهولة هون. 

طريقة العمل تاعتي هي نتاج سنين من دراسة علم النفس ومدارس علم النفس المختلفة، وتدريس علم النفس. طورت خبرتي في التدريب في مركز الارشاد الفلسطيني - من اول المراكز التي ركزت على الصحة النفسية في فلسطين. وانا مهتمة وبفكر بمنظور علم نفس مجتمعي واسعى لتجذير العمل مع المنتفعين من خلال رؤية علم النفس التحرري. 

الجلسات بتكون وجه لوجه/ او الكترونية في حال انتو خارج فلسطين.

شو خبرتي؟ 

بشتغل في مجال الصحة النفسية من خلال الابحاث والتعليم  - بعلم في جامعة بيرزيت في دائرة العلوم الاجتماعية وفي معهد الصحة العامة والمجتمعية. وبقدم استشارات مع مؤسسات غير حكومية في  مجال الصحة النفسية. 

•  الدكتوراة سنة ٢٠٢٠  من جامعة كينجز كوليدج لندن في مجال انثروبولوجيا الطبية بالتركيز على الصحة النفسية

•  تدريب لمدة سنة مع المركز الفلسطيني  للارشاد سنة ٢٠٢٣ 

•  الماجستير في علم النفس السياسي من جامعة كوينز بلفاست

•  والبكالوريوس في علم النفس من جامعة ايرلهام